Tähöho’ahia e Maerehia TERIIPAIA Fa’aineinera’a Maerehia TERIIPAIA Raureva TETUMU Vaiana TOOFA HANI ’E TE TUPA Fa’aterera’a Hau nö te Ha’api’ira’a CRDP - 2008
3 Nö töna ’ino ’ua fa’arirohia ’o Tapu ei tupa.
5 E ora ’o Tapu i te pae tahatai, i roto i te hö’ë ’äpo’o.
7 I te mau mahana ato’a, e haere noa ’o Hani i tahatai. E ta’ata’ahi noa ’öna i te ’äpo’o ’o Tapu.
9 I te hö’ë mahana, ’ua fiu roa ’o Tapu, ’e ’ua höhoni ’öna i te ’ävae o Hani.
11 Hani : «’Auë ! E aha ho’i teie ?» Tapu : «’OTapu teie. ’Ua höhoni au ia ’oe nö te mea e tupararï noa ’oe i tö’u fare.» Hani : «’Aita vau i ’ite i tö ’oe ’äpo’o !»
13 Nö te tätarahapa iäna, i te mau mahana ato’a, e ’äfa’i ’o Hani i te tahi mau mä’a nä Tapu. Nö töna ’ino, e rave noa ’o Tapu i te mä’a ma te ha’amäuruuru ’ore ia Hani.
15 I te hö’ë mahana, ’ua püai te mata’i ’e ’ua haruru te pätiri. Noätu teie mau fifi, ’ua ’äfa’i noa ’o Hani i te mä’a nä teie tupa. Mea püai roa te mata’i. Të ha’amata ra te hö’ë tumu ha’ari i te haruru i ni’a ia Hani !
17 Horo atura ’o Tapu e höhoni i te ’ahu o Hani nö te huti iäna ’ia ’ore te tumu ha’ari e topa i ni’a iäna.
19 Hani : «Mäuruuru rahi ia ’oe. Nö te aha ’oe i tauturu mai iä’u ?» Tapu : «Mea ’ino roa vau. Terä rä, ’ua ’äfa’i mai ’oe i te mä’a nä’u i te mau mahana ato’a. E nö tö ’oe maita’i, e hina’aro vau e ha’amäuruuru ia ’oe.» Hani : «E hoa täua ?» Tapu : «’Ë, nä reira ïa.»
21 I te reira taime, ’ua puhä mai hö’ë ’aito i’ei’e nä roto mai i te paraha o te tupa.
23 Mai taua mahana rä, ’ua ’ite-pinepinehia räua i tahatai.
Hani ’e te tupa 400 puta nene’ihia © MEE - CRDP - 2008 ISBN 2-916454-13-6 Tähöho’ahia e Maerehia TERIIPAIA Fa’aineinera’a Maerehia TERIIPAIA Raureva TETUMU Vaiana TOOFA Päturuhia e Denis HONG KIOU ’Orometua ha’api’i reo tahiti Fa’atïtï’aifarohia e Stéphane MAHUTA Ra’atira o te ’öpuara’a Maryel PEREZ Fa’a’ohipara’a i te räve’a roro uira Vetea PUGIBET Ra’atira o te nene’ira’a Mairenui LEONTIEFF Fa’atere o te nene’ira’a Aline-Titiehu HEITAA-ARCHIER Nene’ihia i Polytram
www.ebooks.education.pfRkJQdWJsaXNoZXIy NzgwOTcw