Te mau ’api parau iti Päpa’ira’a Pascale Henrion Hurira’a parau Tahia Tetuanui Tähöhö’ara’a Mihimana Rota Pü tuatapapara’a e vaira’a puta ’ihiha’api’i Fa’aterera’a hau nö te Ha’api’ira’a nö Pörïnetia faräni © CRDP-MEE 2013 www.crdp.pf
2 Teie te ’ä’amu o Matie iti.
3 Mai te mau tamari’i ato’a, e päpä ’e e mämä ato’a tö Matie iti. E here rahi tö Matie iti ia Nïnamu, töna päpä. E here rahi ’ato’a töna ia Re’are’a, töna mämä. E here rahi ato’a tö töna päpä ’e töna mämä iäna. E orara’a ’oa’oa mau tö te ’utuäfare.
Terä rä, …nö te pae o te ha’uti, ’e fifi o tei ’itehia … 4
5 …e fifi iti rahi ! ’Ua pe’ape’a roa nä metua.
I te hö’ë mahana, ’ua riri ’o Matie iti. « ’Ua rava’i roa vau ! E haere au ! » ’o töna ia reo. 6
7 ’Ua täviriviri ’oia ë ’ua täviriviri … E, i töna täviriviri-noa-ra’a, iti mai nei töna riri.
8 Tae atura ’oia i te hiti o te hö’ë ’änavai. «E näfea vau i teienei ? » ’o täna ia uiuira’a.
9 Fa’ariro atura ’oia iäna ’ei pahï … E, tere atura nä ni’a i te pape, ë…
10 Tae roa atu ra i te pae miti. I reira töna ’itera’a i te mau pahï huru rau, te mea rarahi, ’e te mea na’ina’i, ’o të teretere noa ra mai iäna.
11 « I ’ö nei au e fa’aea ai » ’o töna ïa mana’o.
12 ’Ia hi’o ’oia i ni’a i te ra’i, ’ite atura ’oia i te mau manu, ’o të rere ra i te ätea. ’Ua rau te manu, te mea rarahi, ’e te mea na’ina’i , te mea ’ura ’e te mea nïnamu …. ’ua rau te ’ü o te mau manu.
13 « Të haere ra rätou i hea ? ’Auë ! E hina’aro iti rahi tö’u e rere nä muri ia rätou ! »
Fa’ariro atura ’oia iäna, ’ei manu nö te ’äpe’e ia rätou. 14
15 Rere noa ai ’oia, ’oa’oa a’era i te mau ’ohipa fa’ahiahia ato’a ’o täna e ’ite ra. ’Ua rere ’oia ë, ’ua rere…
16 ’E tae atura ’oia i te fenua o te mau tiare. ’Ua rau te tiare i te mau vähi ato’a, te mea rarahi, ’e te mea na’ina’i, ’ua rau te ’ü o te mau tiare.
17 « ’Auë te nehenehe o teie mau tiare ë ! » « ’A’uanei rätou e perehï ai iä’u ! » ’o töna ïa mana’o.
18 Fa’ariro atura ’oia iäna ’ei pepe, ’e tau märü noa atura ’oia i ni’a i te tahi tiare nehenehe mau.
19 « ’Auë teie vähi i te nehenehe ë ’e te mäniania ’ore ë. » E hina’aro iti rahi tö’u e fa’aea i ’ö nei …
20 Teie rä, ’o vau ana’e teie. « Të mäna’ona’o nei au i tö’u nä metua »
21 ’Oa’oa iti rahi tö päpä Nïnamu ’e tö mämä Re’are’a i tö räua ’ite-fa’ahou-ra’a ia Matie iti. Teie rä, ’uamäere nä metua i tö räua ’ite-fa’ahou-ra’a i tä räua tamaiti nö temea ’ua pa’ari ’oia.
22 « ’A pe’e mai iä’u ! »
Te mau ’api parau iti Päpa’ira’a Pascale Henrion Hurira’a parau Tahia Tetuanui Tähöho’ara’a Mihimana Rota Fa’a’ohipara’a i te räve’a roro uira Vetea Pugibet Te ti’a nö te nene’ira’a Mairenui Leontieff Fa’anahohia i raro a’e i te fa’aterera’a ’o Aline Titiehu Heitaa-Archier IEN, Fa’atere nö te pü CRDP i te matahiti 2009 Te fa’atere nö te nene’ira’a Maryel Taeaetua-Perez Fa’atere nö te pü CRDP Réf. PI2626-13115 (LN) ISBN 978-2-36936-010-0 Parau ha’afatura’a i te puta 2013
www.ebooks.education.pfRkJQdWJsaXNoZXIy NzgwOTcw