28 Ù kamoìa ïa e te tau toa manu o te papa hakaìki o Havaiiki Nui. E makimaki aa te hakaìki o hua ati nei, e noho ta ïa tama kaìoi me tïtahi pokoèhu mei io he henua, te henua o Kemanuokehini. Oia hoì te henua e avai aa i ùka aè o te tai. - E tià e haatahi mai ! E katahi mai te tau manu o te ava tai me te ata àki. E koàna i te tau manu paotü e ona ma àò aè o te take tai. E ùku atu io he tai ! E ona atu i ùka aè o te tai !» Atika â ! Atika â… A tika â, e uë aa Meheani. Ù hinenaò nui Meheani ia Kemanuokehini. Koè nui ïa e koakoa aa ! Koè nui ïa e ona pü ! Koè nui ïa e ùku pü ! Koè nui !, koè nui ! Ù peàu Manupeke : «E toù àkoìa, e toù hakatu hana, e toù hotu nui, e toù tuakiìa». I te paoìa o ta âua tekao, ua hua mai Kemanuokehini io ïa. Moû to ïa koekoe i te moeìa ia Meheani ! Ua moû te houpo i te tiaki meitaììa i te ava i haaheiìa ! I haaheiìa no te hana atu i ta Manupeke i oonaki. Atika â, paotü te â, e ona atu ïa i ùka aè o te ava tai o Ua Uka no te haatata atu me Meheani.
RkJQdWJsaXNoZXIy NzgwOTcw