Te tuatuakaki no te hakari

21 Tae ake ra ki te tahi hana, nana mai nei teie taoga ë, katigahia mai nei. Köketu atu ra räua ki teie katiga. Kua inu ki te komo ke kite päpü atu ra räua ki te haga täpago ki ruga ki teie katiga : te pëpenu, te nohi, te ihu ke te vaha. Hakamanako ake ra ki te poroki a Tuna kia räua ki te näköhaga ë : - Ëi hakakitehaga ki töku here kia körua, e hogi noa körua kiäku ki te haga taime katoga ka pau ïa uki ke ka pau ïa uki. Auë räua ki te koakoa ë, tämata iho ra räua ki teie katiga nö roto mai ki te pëpenu o Tuna. E mea maitaki anake. Topa iho ra räua ki te igoa o taua taoga nei, e «hakari» ke töna katiga, e «gora». Kua hamo te huiragatira o GANAIA ki te hakari ke ati ake nä oire e hitu nei. Koia hoki, ko TUKUHORA, TEMARIE, OTEPIPI, PUTUAHARA, TEKAHORA, TEMATAHOA ke ARIAVETE. Kua kï ke kua kï roa nä oire nei e hitu ki te hakari. Kua ora te nünaga Parata ki ruga ki tä räteu katiga.

RkJQdWJsaXNoZXIy NzgwOTcw