Të teretere ra te kau-tira o Mapu nä tua ki MAUPIHA’A. Kite mai nei koia ki teie taoga ki te törirehaga nä ruga ki te töau. Ki töna hakafätatahaga mai, pago mai ra kiäna ë, e nau tapairu teie. Poro atu ra ko Mapu kia räua : - Ko vai körua ? Ke nö hea mai körua ? Pähono atu ra räua. - Ko Tei-poi-te-marama ke ko Tei-poi-te-here. Nö GANAIA mai mäua. E nünaga Parata hoki mäua. Kite atu ra ko Mapu ë, e haga kaito horo moana teie nau tapairu. Reko atu ra ko Mapu kia räua. - E aha körua ki tae mai ai ki könei ? Pähono atu ra räua. - Nä te tïfai mäua i poi mai ki könei. Käore roa tö mäua mäkui i kite ë, kua törire mäua nä ruga ki teie tïfai. Togotogo roa atu ra te aroha o Mapu kia räua. Rave mai nei kia räua ke tuku atu ra ki ruga ki töna kau-tira ko «Tagohe» te igoa. 7
RkJQdWJsaXNoZXIy NzgwOTcw