18 I te pö ômua ana òa, koè nui Kemanuokehini i hiamoe. Ù taihuta ïa i te mau ia Meheani ! I te mau te ao, ù hiamoe ïa. Ua ìte ïa ia Meheani i òto o te hiamoe. E ona aa io he ata àki kë atu. Koè nui ïa i vivini i hea tënei vahi. E ona aa, e ùku aa Meheani me te mata koakoa ! Aï te kanahau o Meheani ! Aï te pootu o ta ïa vehine tähia nui e ona aa ! He moemoeä ! He moemoeä poto nui ! Ù kiiete Kemanuokehini mei òto o to ïa hiamoe. Ua vaa mai me te uë i ta ïa vehine tähia ! Ù kaituto höhönu ïa. E aha te maàkiàki höhönu o tu ù moemoeä ? I hea Meheani i òto o tu ù moemoeä ? E Meheani e, tu ù vehine e, i hea òe ? I te òaìa, ua ona ïa i ùka aè o te ava tai o Ua Uka ! Ua vii, ù tiòhi, ù tiaki, ua ona. Ua pö te â ! Ua hua mai ïa io he haè ! Ù maakau ia Meheani ! Te ùa o te pö, ù hiamoe ïa meìa i to ïa paòpaò ! Ua ìte ïa ia Meheani, e ona aa e ùku aa, e keu aa me te tau manu ! He manu hakatu kë ! He moemoeä ! He moeä. Te oko nui o to ïa hinenaò i ta ïa vehine, ù kiiete ïa me io he hiamoe ! Ua ona atu no te ùmihi ia Meheani. Ua pö te â ! Te toù o te pö, ua ìte ïa me te mata mehea ! Ù mehea nui to ïa koekoe i te ìteìa ia Meheani e aumiti aa. He mata kuhane koè. Ua ìte ïa i tïtahi manu täuà nui ! Ua û nui ïa i te haametaù. Ua vaa ïa no te mea ù vivini ia ïa o ai teâ manu täuà nui ! Ù tötahi to ïa mamae i tënei tau ata o ta ïa i ìte i òto o te moemoeä. Ù tötahi to ïa pukina i te ata o te manu täuà nui ! E aha ta ïa hana i òto o te moemoeä ? Ù toutaki ïa te hee atu e haatutuki me te manu täuà nui.
RkJQdWJsaXNoZXIy NzgwOTcw