KEMANUOKEHINI

56 Ua haka mai âua i ta âua pähaka hinenaò nui me he â koìka hunona ! Paotü te tau manu i koakoa i te huaìa mai o Meheani ! Paotü te tau ika i haka mai io he tai ! Paotü te tau manu mei Havaiiki Nui i pähaka mai ! I te ahiahi, ua tau mai âua io he tumu puahi i Keiaki. Ù hinenaò nui âua i tënei pö. He pö tutukiìa hakaùa o âua. Ù peàu Meheani ia Kemanuokehini i tënei pö hinenaò nui : «Oìoì, e haapei mai òe i te köhata o ta täua mämäì. Na òe e tämoe atu. Na ù e hakai ia ôùa.» Ma te oìoì, ua hana Kemanuokehini i te köhata. I te paoìa i te hana, ù tïtïko Meheani i te mämäì i te ahiahi pö keekee ! Ù tämoe Kemanuokehini e toù pö e toù â, i hanau ai ta âua kio, huu koè, ìi koè. Ua tupu te huu keekee me te tea. I to ïa kaùooìa, ù pupuà nui te huu… He köivi manu, o Mehetai te ikoa. Ù hakako Kemanuokehini ia Mehetai i te ona, te hakatu haa manu io he àki me te henua. Ù hakako Meheani i ta ïa moî i te ùku me te hakatu haa manu io he tai tihe io he take. I tïtahi â, e hee aa Kemanuokehini, Meheani me Mehetai. E hee aa âtou no te kaikai ùmihi i mua aè o Motumano. E tahao aa âtou !, e ùku aa âtou !, e kai aa âtou !, e keu aa âtou !, e haka aa âtou !, e pähaka aa âtou ! I ìte ai âtou i tïtahi manu e ona mai aa. Ù tata mai me âtou. E taaàu aa. He taki èo koakoa. Ù vivini ia Kemanuokehini o ai tënei manu e ona aa. O ai te manu e haatata ana. Ua tata mai te manu. O Matuhonu te manu.

RkJQdWJsaXNoZXIy NzgwOTcw