6 E tiòhi aa te tau manu paotü me te mata mehea nui ia Kemanuokehini e ona aa io he ata àki. E ona aa, e tahao aa, e hohoà aa, e pähaka aa. E pähaka aa i to ïa aèaè, e pähaka aa i to ïa oko. E ona aa, e tiòhi aa, e vii aa i ùka aè o te pootu. E ona aa, e ùku aa i òto o he tai. E ona mai aa, e tau atu - io he köutu, - io he tumu âkau, - io he tai, - io he one… E haka aa, e pähaka aa. E haka aa, e pähaka aa Kemanuokehini i te haka hinenaò. E haka hinenò aa i te pootu. Ù hinenaò nui ïa, ù hinenaò nui ïa i te pootu. Hinenaò nui… nenaò nui… naò nui… E hinenaò aa ? O ai te pootu ? O ai te kuà o te tau köivi manu ? He kivi, he manu haatepëiù, pootu, pootu, pootu nui ! To ïa huu, he huu tavaìè, he tavaìè tea, he tea me he poniòniò ! To ïa hakatu haa manu, he manu heetai, he manu ùku io he take tai. He ùkuìa kaìè nui. He ùkuìa höhönu nui io he take tai. O Meheani te pootu, o Meheani te kuà o te tau manu ! E tiòhi aa te tau manu paotü me te mata mahaò nui ia Meheani io he ata àki, me Kemanuokehini io he tai e ùku aa tootahi. E ona aa, e tahao aa, e pähaka aa, e ùku aa me te kao atu. E ea aa, e ona atu no te tuku i te ika i hemo mai ia Kemanuokehini. E ùku aa, e pähaka aa io he tai me he manu io he ata àki. E haka aa Meheani i te haka hinenaò. E haka hinenaò aa, e pähaka hinenaò aa. Ù hinenaò nui ïa, ù hinenaò ïa ia Kemanuokehini. Hinenaò nui… nenaò nui… naò nui… Aï te kanahau ia tiòhi atu i hua mou manu e pähaka aa ! Ua pï nui te tau manu i te mahaò ! He koìka, he koìka, he koìka hunona ! E haka aa âua i to âua haka käìè nui ! Tootahi Kemanuokehini e ona aa io he ata àki ! Tootahi Meheani e ùku aa io he take tai ! Mou tokoùa âua e ona aa ! Mou tokoùa âua e ùku aa ! E pähaka hinenaò. E koìka hunona. E hakaìte aa âua i to âua haatahiìa…
RkJQdWJsaXNoZXIy NzgwOTcw